المرجلة

#1 (**permalink**) 05-Feb-2007, 04:03 PM


	إذا المراجل لبسة شماغ وعقال قل للعذارى يلبسن العمايم ماعاد يفرق زول حرمة ورجال دام الفعايل تشبة البعض دايم المرجله ماهي بكلمة وتنفال وتروح ماراحت هبوب النسايم ولا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثة شتايم المرجلة شيمة عن القيل والقال رفيع نفساً حر بالجو حايم المرجلة عقل وزنه وزن الجبال ودون العقل وش فرقنا والبهايم يامسندي لو مايل الوقت بي مال ياولد أبويه ياعظيم العزايم يامعرب الجدين والعم والخال يانخوة المفزوع وقت الهزايم المرجلة ياخوي هي طولة البال هي العزم هي الصبر في الظلايم فيه الكرم عزه دلة وفنجال فيها الكرامة عن ردى الطبع شايم والدين لامنه خذا القلب منزال مشى طريق الحق وابليس نايم من لا عرف ربه في طيب الحال لا بد وقت الضيق بالهم هايم حتى صلاتك مع جماعات ورجال في خيرها ياخوي نعم الغنايم ولا من نصف ليلك قم صفي البال يا عظم أجرك بين ساجد وقايم ولا من رفع ربي له كل الاعمال حسن الذكر لاقالوا فلان صايم وخلك شريف القصد ياطيب الفال سوء المقاصد في البيوت الهدايم واحذر تبيع النفس في درب الانذال وتتبع خوي ابليس راع النمايم النفس خيل لك اذا انت خيال ومن لا قوى نفسه قوته الهزايم ولا صرت ماتدري لوش انت رجال والله خسارة فيك ذبح التمايم

#2 (**permalink**) 05-Feb-2007, 04:42 PM

يعطيك الف عافيه

ويسلمك ربي غلاي

كل الود لك..

اختك..لذوو

#3 (**permalink**) 06-Feb-2007, 03:38 PM

الف شكــــر لس (لذة غراااااااااااااااااااام)

على تشريفس متصفحــــــــي وتسلمين يالغلا

#4 (**permalink**) 17-Feb-2007, 09:55 PM

سلمت يمناك

يسلمووووووووو

\

موج الغلا

#5 (**permalink**) 19-Feb-2007, 10:33 PM

صح لسانك ظماي أنت

كثر الله من أمثالك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المرجلة

لحن همس القوافي