هاذي قصيدة لبندر الرشود مرثية الام


والله لولا الخوف من ربي وكرهي للذنوب=كان اقول ان التراب أبعد عليك من النجوم

ياألاهي تطمئن بذكرك ارواح وقلوب=لاألة الا انت نسجدلة ولاغيرك يدوم

وجهك الباقي وعبدك ينتظر منك المكتوب=مالة الاماكتبت ومالة الا المقسوم

يالعظيم ياللي في علمك جنة ونار وغيوب=تنجي أمي من عذاب النار والقبر الكتوم

يمة الله اللي يعلم يوم اودعك مغصوب=يوم احطك فالقبر مدري اقوم او ماقوم

ماهقيت امشي ولاخطوة ولا الحق غروب=من عرفت ان الفراق اليوم صار امر محسوم

صارت الدنيا تدور ولاعرفت الدرب نوب=مثل الاعمى صرت يمة ماعلي شرهة ولوم

الوكاد اني غديت بصوب والدنيا بصوب=والحياة اللة يجيرك صارت اقسى من اللزوم

كل ماأذكرك يمة يحترق شمع ويذوب=يختنق صدر المفارق كثرماصار محروم

أذكرك وانتي هنا وهناك ياصعب الهروب=وين ما أناضر اشوفك في عيوني كل يوم

أتخيل طلتك ومشيتك في هالدروب=حتى صوتك اسمعه نفس السوالف يارحوم

صار بيتي في عيوني موحش وكل عيوب=من رحلتي لاخبرلاعلم ولاعينن تنوم

مابقى للبيت نور ومابقى للجرح ثوب=ولابقى ألاذكرياتن بيني وبينك تدوم

يمة الله لايعاقبني ولكني اتوب=ليت ربي ماخلق فرقا ولاموت وهموم

أدري الجنة تحت رجليك وللة الوجوب=أسئل الله الرضى والفوز يالحي القيوم

صح بدنك وصح السان قايلها

ونورتي الموضوع يا لذه بحضورك

صح السان قائلها وصح بدنك اختي ملكه

أشكر مرورك