وجـانـا مــدرس وشكـلـه نـــاويٍ نـيــه

قــالــو لــــي الـتـرقـيـه لازم ثانــويــه =وانـــا مـغـيـر الـكـفـاه ودوب جـايـبـهـا
راحـت علـي يـوم كـان الوضـع بيـديـه=يــوم الجـهـل مـالـكٍ نفـسـي وقاضبـهـا
وقررت اواصل عشان اوضاعي السيه=وضـيـفــتــي مـايـكـفـيـنـي مـرتـبــهــا
عــودت للمـدرسـه فــي مـحـو الامـيـه =مجـبـور فيـهـا ولــو مـانــي براغـبـهـا
سـجـلـت فـيـهـا بـفـزعــاتٍ وجـاهـيـه=اشقـيـت نفـسـي ولــدري وشمكاسبـهـا
وواصلـت شـهـر بمقاعـدهـا الامامـيـه=دروس اشـاركـبـهـا ودروس اجـنـبـهـا
يقـفـل عليـنـا تـقــول بـوســط محـمـيـه=راحــت مهـابـة لحـانـا مــع شـواربـهـا
وجـانـا مــدرس وشكـلـه نـــاويٍ نـيــه =عـيـونــه تـــــروع ودايـــــم مـقـلـبـهـا
اثــره مـــدرس نـحــو يانعـنـبـو حـيــه=وانـا الـدراسـه عـشـان النـحـو سايبـهـا
وكـتــب كــــلامٍ لاعــــام ولاعـربـيــه=وحيمـر عينونـه وقالـي قـوم واعربـهـا
وقمـزت مـن راعتـي واعطيـتـه تحـيـه=احـسـبــه آمــــر سـريـتـنــا يـدربــهــا
وازداد حــــده وقــالــي انـتـبــه لــيـــه=الجملـه اللـي عـلـى السـبـوره اعربـهـا
وجـلـسـت مـرتــاع لاذيــــه ولاذيــــه=ضيعـت هـرج السعـه حـزت مكاربـهـا
وراح لـمـديـره وقـالــه يشـتـمـت فـيــه=مـيــر اطـــرده مـدرسـتـنـا لايـقـربـهـا
يـسـتـاذنـا وبـــــك عـامـلـنــا بـحـنـيــه=طردتنـي مـنـت خـايـف مــن عواقبـهـا
لنكانـك تعانـي مـن ضـروف شخصـيـه=وشذنبـنـا يـــوم نـطــرد مـــن سبايـبـهـا
سـبـايــب الـتـرقـيـه درســــت لـيـلـيـه =وضـيـفــتــي مـايـكـفـيـنـي مـرتـبــهــا
يستـاذ مــا فــي ضمـيـرك لــي مـاويـه =مجـبـور اكـمـل ولــو مـانـي براغـبـهـا
مــا تــدري ان الـمـره مـعـهـا الثـنـويـه=وانـــا مـغـيـر الـكـفـاه ودوب جـايـبـهـا

مشكور لا تحرمن من جديدك