السلام عليكم
اليوم جبت لكم قصيدة ياسر محمد التويجري الي قالها في شاعر المليون
----------------------------------------------------------------------------
ولدت ساطي ومتغطرس وأحب الخصام
ولا أعترف في إدارة طبع والا مدير
أوجدت نفسي من اللاشي والانعدام
نبذت فالمجتمع لاني صريح وفقير
ماكان تفكيري الا كيف أخطف السنام
والحمد لله خطفت اليوم كل البعير
إن لم يكن مركزي بالصف الاول أمام
ماعاد تفرق معي لو كنت قبل الاخير
الله أكبر ولله البقاء والداوم
وهو الاله الاحدوهو السميع البصير
أخذت من مدرسة أحمد عليه السلام
مالاخذيته من مخاوى وزير وامير
وأخذت من تجربة عبدالعزيز الامام
وش يصنع العلم لاخاواه سيف شطير
واخذت من فلسفة هتلرعدم اللالتزام
وكسبت نفسي وريحت القلق والضمير
وابشرك حالتي دايم على مايرام
من ركعتين الفجر الين بعد الاخير
صحيح عندي تحفظ على بعض الانام
مثل معمر وابو مازن وتوني بلير
لكن انا مااحب اقلل الاحترام
واذهب ضحية طموح الغرب وانا صغير
قومية المسلمين اللي عليها الكلام
راحت معا خالد وعمرو وعلي والزبير
الله ولا ذل والتخوين والانهزام
ياعابدين العروش الوضع جدا خطير
يابو خلف كيف حالك عل حالك تمام
انسى القصيدة وهات علوم اخوي الكبير
شيخ عرفته وتقريبا لي اربع اعوام
يومني اجيه لا جاير ولا مستجير
يشوقني له نشوق الوسم عقب الحيام
في صفرة جوها ماهو بفية هدير
الشيخ ابو خالد محمد عداه الملام
اللي يصير من الاصرارمالايصير
حد الثماله اعزه لاعلي الحرام
اني احبه وحبٍ لودرابه يطير
يطير مثل الوحش لاضف ريشه وحام
وحول على الذايره بالجو مثل المغير
ان الملوك اذا اعطوك حب وغرام
خلوك من سائر الخدام يعني خفير
الا انت ياراعي التقدير والاهتمام
ياللي رحمت الصغير وشلت هم الكسير
__________________

صح لسانك أختي الكريمه عاشقة القناص

وصح لسان الشاعر ياسر التويجري

ومن المفترض طرح القصايد في همس القوافي

ودي تزورين الأقسام المختلفه علشان تعرفين

وين تحطين مواضيعك لتلقى الردود المناسبه

وأنت شعلة نشاط ماشاء الله عليك وبالتوفيق

دمت بود ..



أخوك : الراااايق

صح لسانك يعطيك العافيه

يعطيك العافية مشكوووووووووووورة
بس وش هالطبة
خخخخخخخخخخخخخخ
ليش ما نزلتيها بقم القصيد يا غالية
شكلك متحمسة
ههههههههههه
مشكوووووووووووووورة أختي
نبي نشوف جديدك ومواضيع مميزة منك
الله يقويك
أخوك كيم

الله يعطيك العافيه ياعاشقة القناص

وصح الله لسان قايلها وناقلها