البارحـة مـا رقـدت الليـل كلـه

البارحـة مـا رقـدت الليـل كلـه
وأشـوف كـلٍ بنومـه قـد تهنـا
كـن الشقـا والعنـا قلبـي محلـه
والله يعيـن الشـقـاوي والمعـنـا
عقـدٍ عقدتـه وحـان اليـوم حلـه
طاح أكبر أركـان قصـرٍ لـي يبنـا
قصـرٍ مـن أول يدلـه مـن يدلـه
يجيـه جـزل الثنـا منـا ومـنـا
عزه بساسـه وساسـه عـزةٍ لـه
ولا بـه قْصـور مثـلـه سِيّسـنـا
يبطي عظم مـن يـدوّر فيـه خلـه
ما سَيّس السـاس رجـلٍ مرجهنـا
سـاسٍ بذكـره ندنّـق حشمـةٍ لـه
حيثـه لمـن وحّـدوا بالله وطـنـا
مير البلا والجلا باللـي حصـل لـه
القصْـر يـوم أكبـر أركانـه تثنـا
حل القضا والقضـا مـن دبـرة الله
طـاح الركـن طيحـةٍ مـا تِمتكَنـا
عقب الركـن صـار مدهـالٍ لشلـة
يستوطنـه كـل منهـو لـه تعـنـا
وبانت علومٍ وشانـت تحـت ظلـه
منهـا مهنّـا يجيـه اللـي تمـنـا
ما عاد هـو مدهـل لْشـرواي لِلّـه
دام الحكـم بـه غـدا لعيـال صنـا
من عقب ما طاح ركنه شـان دلـه
لا عدت له .. من يرد اللوم عنا..!!؟
العام مـا احـدٍ يظـن إنـي بأملـه
لكـن هجرنـاه قصـرٍ فيـه كـنـا
والموت قصر الخنـا قصـر المذلـة
لا حـل بـه واحـدٍ فينـا ومـنـا
والله ما اعلّه .. واعلّ اللـي يعلـه
مير البلا لا انخدع عن حسـن ظنـا
كـل الخسايـر عساهـا فـدوةٍ لـه
ما ودي أخسر بعـد زبـن المجنـى
شغمـوم زيـزوم دامـح كـل زلـة
سـود الليالـي براسـه عوّضـنـا
مـا زاد غبنـي و زاد الطيـن بلـة
إلا خبـر غـزوةٍ لـه مـع مهـنـا
مير أرجي الله عساهـا خيـرةٍ لـه
عسا به يْطيب مـن لا طـاب منـا


خالد المريخي

يسلم يا غالي كلمات روعه

يا أنت أخجلت القلوب تواضعا ** وعقدت من فعل الجميل لساني

ووقفت في درب الهداية مشعلا ** يدعوا إلى الخيرات بالإحسان

إني لأطرب للقاء وأخاف أن ** يقضي الوداع على الفؤاد العاني.