| اجعل منتدى لحن الصفحه الرئيسية |
 |
|
|
اختر لون صفحتك
|
|||||||
|
|||||||
|
اختر لون صفحتك
|
|
|
|||||||
| لحن الشباب العربي ( آدم ) كل ما يتعلق بالشباب العربي , مواضيع خاصة فيهم , أزياء رجالية , سوالف شبابية |
 الإهداءات |
|
|
|
LinkBack | أدوات الموضوع | طرق مشاهدة الموضوع |
13-Sep-2007, 05:06 AM
|
||||||||||||||||||
|
.gif){kind=icon}
للعزوبي فقط ممنوع دخول السحالي
بسم الله الرحمن الرحيم
سلام بنات اطلعن بالله معليش كلام سبشل للعزوبيه .. اطلعي! بكيفتس انتي الخسرانه خخخخخخ بسم الله نبدأ خلال هاليومين اللي راحت قريت موضوع عن التفكير بالزواج ، فقعدت افكر وجمعت حروف لين كونت سؤال الا وهو ... سؤال لكل عزوبي .. يتسدح بالملحق ؟ هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك. إذا كانت الاجابة بنعم فإن كل هذه اعراض لرغبة جامحه وكامنه بالزواج وان ما تلاحقت عمرك ترى تبي تبــوّش ،، . لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه .. مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني . اولاً : مرحلة ما قبل الزواج : كيف تعرف انك استويت عزيزي الشاب وحان قطافك من بنت الحلال : أ: علامات الرغبة في الزواج عند الشاب : 1 - إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>> قال صلى الله عليه وسلم : ( بالمعنى ) يرزق الله ثلاثه ،، ومنهم : الذي يعف نفسه ) كذلك إذا صرت تتابع الفيديو كليب وتهج اثمك ولو يناديك ابوك ما ترد عليه. 2– إذا بديت تقول يا زين بيروت والـ إل بي سي والمستقبل ؟ فاعلم اخي انك لو انتظرت سنتين ستصدّي صواميل ظهرك وتصير بلا مستقبل. ههه حتى لو توضـّــب 3– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( شبهه) وشهار ما يقبلك ولا منتسب . 4 – إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخق ) لذلك اكرب عمرك واعرس. ثانيا : اثناء الخطبة : 1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك. لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه. 2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم لأن الخطيبة مصيرها تعرف ان السياره مو سيارتك وبالتالي تطيح من عينها .. 3 - اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم " فلينظر اليها وتنظر اليه فأنه احرى ان يؤدم بينهما " يعني بالعربي مسنود بقوة بالشرع.... يعني خذ راحتك فلها وما جاك علي وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدمِ ) <<<< يضيع مع اللحم في الضحايا خصوصاً الكبدة يا بعد كبدي.. لا يروووح بالكم بعيد. 4- في الخطبة ان صار فيه مكالمات بعد ما يوافقون عليك .. فلا تصير لصقه وعلة وتنشب كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟ وش تسوين ؟ انت على السرير وإلا في المقلط ؟ << يخرب بيت السؤال ؟ احااااوك بس هههه 5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسس ، وإلا باقي الاثاث اختاره انت وإلا خلها هي اللي تختاره كله .. لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( عصير تكرونيه عند الحرم ).. كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه ( حراج ابن قاسم ) من كل بحر قطره. فتصير مثل اللي بيتهم طين وعندهم ( روز رايز ). 6 – اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا .. مو تصير حبيّب بالخطبة وصدام بعد الملكة. ،، وقبل كذا ارجع بعقلك .. وخل نيتك صافيه يوفقك ربي 7 - كانك واحد من النفرات التتانين اتركوووه وفكر بكره لا جاك عيال وبنيات يبون يشمون هالتتن وتدمر صدورهم .. وقبلهم مدامك تبي تتعب من ريحتك .... وان ماش ماهناش تتن ومحد يشوفك واستر نفسك ( اشد عقاب يوم القيامه المجاهرون بالمعصيه ) ثالثا : ليلة الزواج : ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك ابروح الحمام .( تكرمون ). صدقني راح تقول البنت إللي هذا اوله ينعاف تاليه .. فلنفرض انك قمت من الكوشه !! بعد ما تخلص هل بترجع وتجلس مع العروس مره ثانية ؟ وإلا بتطلع من هناك ؟ بالعربي .. انت بتبلش بلشة ما بعدها بلشة أما إذا رجعت بيقولون الحريم ( جاه اسهال من الخوف من المدام ) اجل إذا راحوا الشقة بلحالهم وش بيسوي هالخواف.؟ فتصير علك في فم الرايح والجاي وملطشه للصغير والكبير. وياويلك لو صرت علك في فم الحريم بتصير سالفة الجيل اصحىىىىى 2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت. <<< وش دراك؟ 3 - خلك ذوق واسحب يد البنت وحطها على ( القير حق السياره ) وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. تونا ممدين على خير لسا بكير 4 - إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون (صك ) ذيك الزغروته اللي تهز اركان البيت (اذا ودك ) .. ثبت الله اركانك . هههههه رابعا ً : سواليف ليلة العرس : الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي : –1 انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ). 2 – انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري .. الله ياخذ ابليسك انت وامك لا هالحين ادخل وامغطك بالعقال <<< يعصب احيانا بدون سبب مقنع .. ما عليه رجعت طبيعي .. نكمل .. مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى. وبأسلوب راقي وحضاري وعقل متفهم بدون تجريح 3 – امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه | .. حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) .. فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني )<<< مفروك لين قال بس فـ تغير من اسود الى بني . 4 – انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها ). بصراحه كثير من الشباب محروم من ( كل شيء ) <<< وافهموها .. عاطفيا و... و . واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك __ المنطق والواقع حلوووووو >>> يعني خلك رزين 5- خلك ثقل وخل سلوكك هو اللي يقول للبنت اني احبك موب اساليب ( قردنه ) احبك بعدين تقول لها ( وش رايك نلعب عريس وعروسه )؟ ترى هالحركات ما تمشي على البنات التاليات . معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة ) الغرفه. خامسا : ملابس ليلة العرس 1 - بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الشعر اللي بصدرك وبازن بها. هذا اذا كان لك شعر بصدرك >> يعني انا برى السالفه هذي تنظفوا ( ابتل ) اعلمكم ... الى متى ؟ بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( هاااااي شله ).. 2 - انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( حمار وحش ) يتكلم عربي. اختر اللبس المناسب لجسمك .. مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام.. وفاجأها في الصباحية . إذا كنت سمين البس ملابس فضفاضة شورت وفانيلة Xxxxxxxxxxxl 3 – للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟ ترى الموضة كذاااااا وتطوروا بأأأأ عجزت اعلّم فيكم . إذا لبست لك المدام ( قميص نوم راايق ) ترى مو معناهاا ( طب عليّ ) .. خلك ثقيل وإلا جيت هالحين أربط ثقالات برجليك. ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو. <<< احتمت ( كبدي ) يوم سمع القصة من القهر . سادساً : الخطة المحبوكه للقاء الحميمي : 1 - حذاري ثم حذاري وهذاني اقول لك ( حذاري ) .. تتحرش بالبنت .يا حتى لو كانت زوجتك، فكما يقال ( احذر ان تبدأ حياتك الزوجيه بحادث اغتصاب ). لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك . 2 - اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين ) همااه . 3 - اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( صنادق حمام ). اركد وخلك طبيعي وإلا قالت البنت وش ( هالعومه ). 4 - في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياها ( كوفي شوب ) وانتبه تقرأ الجرايد او المجلات , وعطها وقتك كله. 5- عاد اللي يبي يسافر الله يرجعوه بالسلامه 6 - اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك . واللي ما يجي اليوم .. يجي بكرا . ...................................... بناات ما قلت لا تقرون ؟ الموضوع حطيته هنا من باب انه مسلي وبنفس الوقت فيه من الواقعيه في المجتمع العزوبي السعودي، يعني طريقتي بالكلام تقريباً فيها نوع من الدوعاابه ولا تنسووون هذا شي مهم جداً ولا حيااء في الدين وشكرراان وأنا أسف على الأطاله خيكم ميت على قيد الحياة   
التعديل الأخير تم بواسطة : % ابو عزوز % بتاريخ 13-Sep-2007 الساعة 05:09 AM.
|
|
| اعلانات جوجل |
|
14-Sep-2007, 02:40 AM
|
||||||||||||||||||
|
رد: للعزوبي فقط ممنوع دخول السحالي
شكرا اخوي على الموضوع
  هذا هو تواجدي اليوم معكم ....... ويمكن بكره اغيب عن نظركم ...... اعذروني اذا في يوم كسرت خواطركم .... او بكلمه جرحت مشاعركم ........ اذا مت خلو قبري يملاه دفئ حبكم.... ومثل ماسكنتوا قلبي سكنوني نواظركم..
|
|
|
15-Sep-2007, 12:50 AM
|
||||||||||||||||||
|
رد: للعزوبي فقط ممنوع دخول السحالي
ألف شكر أخوي الكريم أبوعزوز
صراحه موضوع قمة الروعه وتفاصيله دقيقه وفيها خفة دم من خفة دمك طبعا . يعطيك العافيه أخوي على الموضوع الرائع ودمت بود .. أخوك : الراااايق لا يطول غيابك ثم آخذ عليه لو تخليت عني عنك قلبي ماتخلى مابقى بالعمر مقدار ماراح فيه كل مازل يوم يوم بالعمر ولى يامن القلب حطيته براحة يديه مارضى له مكان غير كفك محلا كم تعذر وعيا عن هوى محتويه لين طاح بيمينك بالغرام وتجلى
|
|
|
17-Sep-2007, 12:28 PM
|
||||||||||||||||||
|
رد: للعزوبي فقط ممنوع دخول السحالي
عزوز وين رايح انت ................ اقول يا عزوبيييييييييييي خلك من هذي النصايحححححححححح
اسمع انا وخوككككككككككك شكل عزوزييييييي يا شباب مدسوس علينا من البنات ............... شكله عميل ........... ======================== اسمع يا عريس يوم العرس خلك رجال ولا تدخل الحرمه قدامكككككككككككككك ترى إن دخلت وراها تصير في كل شي وراهااااااااااااااا انتبههههههههههههههه انا وخوكككككككككككككك وبعدين علي طول قول لها انا رايح للشباب وجاي بعد شوي ............. يعني لا تروح لهم بس علمها إنك ترى الخرجه في يدك انت وهي مالها داعي تسألك وين رايح ولا من فين جاى............... وليلة الدخلهههههههههههههههههههههههه من اول شييييييييييييييييييي لا تفصخ ولا شيييييييييييييييييييييي هب دب ................. والسلام عليكم ورحمة الله وبركاته ............. تيتو لول محبكم علي الدوم
|
|
|
21-Sep-2007, 05:28 PM
|
||||||||||||||||||
|
رد: للعزوبي فقط ممنوع دخول السحالي
اقتباس:
يا بو الشباب لس مطولين على ليلةالدخلي بس بسراحا الله يعطيك العافي على النصيحا
|
|
