قـــالوا "توفت"غافلتــها المنيــــــــــه!!!!
قلت :الـــوداع وجـــاوبت دمــعه العـــين....
تجـــرح بســاتين الـــــخدود الـــنديه...
وغضـــت وشفــــت بعينها الحزن حزنين....
وصـــاحت على الفـــرقا أنا مو قويه...
وجاوبتها أرجـــــوك"تكفين ...تكفبن"....
واللـــه دمعك يشـــعل النـــار فيــه...
وقــالت:تعـاهدني عهـاد المــحبين....
...............................
قـلت:"أبشـري"واللي خلق لا تظنين....
حـرام ماغيـرك"عشقـت أدميــه...
وقـصت شعــرها..قلت"أنا وش تسوين....
قـــالت:أبي من غرتي لك...هديــــه...
ونادتني الغـــربه على الهم والبين....
أحـــسب الايام روحـــه...وجيـــه...
وفي كل ليله ترتسم بين رمـــشين....
خيالـها بين الرمـــوش الشقيـه...
غــربة سنه"في ذمتي"غربة سنين....
متىعلى اللـه يلقى "الحي حيــه...
خلاص هانت مابــقى غيــر يومــين....
خلاص قفت غربــــه..جرهديــــــه...
ورجعــت شوقي في خفوقي براكين....
ورجعت أنا كـــلي لــها جاذبيـــه...
وســالت ماردوا وانا أصيح هي ويــن....
وكلــن نثر من داخـل العين ميـــه...
وفي معمعة حزني تلقـيت رمحيـــن....
قـالوا:توفت..غافلتـها المنيـــــه...
وفي غرغرتـها ما ذكـــرت غير حرفين....
تشهـــدبأسمك شفـــــاة البنيــــــه...
وتزاحمــــت في داخلي ألف سكيـــن....
والحزن يطـــويني ثمانيـــن طيـــه...
صــدمه..وجابتني على الارض نصفيـن....
وشــلون راحـــت دون ذنب وخطيــه...
تكفون دلونـــي على القبر هالحيـــــن....
ماعــــاد فينـــي لصــبر مقــدريــه...
ووقفت أطالع قبـــرها بيـــن نصـــبين....
وجاسـت أضـم أغلى النصايب عليـه...
وأصيــح وش بك ياغلاي ما ترديـــن....
اشتقت همــس شفاهـك النرجسيــه...
وش فــيك جيت من السـفر ما تهليـــن....
مـــاهي بلك عاده ولاأنتي رديــــه...
وحاولـت في لحظـــه أجرح الديـــن....
وأزيـــح تربه قبرها في يديــــه...
وبالغصـب شالوني حشى تقل مسكين....
وأصـــرخ بهـــم والله..والله حيــــه...
وقفــت وتاهت بي جميع العـــناوين....
والحــزن يلعب داخلــي سامريــه....
ورجعت لدروب الشقى قبل عامــــين....
مادري من اللي صــار فينا ضحيـــه...
دلـــــــــــوعــــــــة الـــــعـــــــــــذارى
أنت غير مسجل لدينا في منتديات لحن للتسجيل اضغط هنا 
الإهداءات
13-Mar-2008, 02:48 AM
قالوا "توفت"غافلتها المنيه! 
العرض العادي
