قصيدة العباه ( تكفون ياالبنات أقروها )
هذي القصيده جاتني على البريد الألكتروني
وبصراحه أعجبتني وقلت أنزلها لكم بالمنتدى
الشاعر: ناصر البراق .. ( العباه)
العبا يه عولموها وانفثو فيها السموم
من ملاهي الرقص جابوا فكر تخصير العباة
ضيقوا صدر العباة ووسعوا طرف الكموم
ونزلوها لين وصلت آخر أكتاف الفتاة
بانت نحور الصبايا وانكشف شكل الهدوم
والغبية تحسبنها زايده زين وحلاة
والبراقع دلعوها لين عام الخد عوم
لازم القرضه توسع والكحل يلقى الحــــياة
طوروا شكل النقاب وصارت الدعوه علوم
صار شفاف(ن)يوضح خدها ويا الشـفاة
وآخر الصرعه لثام(ن)يفتن الرجل العزوم
والفتن قالوا ضلاله للقلوب المؤمنات
وش علامك بنت حوى تستبيحين السلوم
أو مع خيلك ياشقراء بعضكم جنس البنات
قاهرتهم هالعبايه مايبون الستر دوم
جدهم علمان يعني لاصيام ولاصــلاة
حطوا إن البنت سلعه وغلفوها بالهموم
وارفعوا شعار(ن) ينادي للحقوق الضايعــات
من ظلمها والبدو لاصاحت الحرمه تقوم
قايمه تحت المعادي لجل عين الشامـخـات
من ظلمها يوم قام المعتصم من عز نوم
قال وين الكافر اللي يستبيح المسلمـات
ثم ذبح لجل شعرتها من العدو كثر النجوم
قال هذا حق منهو يستذل الطـاهرات
نكسوا ذاك الشعار ولملموا باقي السهوم
يكسر الخاطر سهمكم لاضرب في مدرعات
بيتكم لاصار مبني داخل البيت مهدوم
وبيتنا صوم وصلاة وحج وأشهد والزكاة
إتركيهم يابنيه وخلي اللايم يلوم
وسعي خصر العبايه واكرمي بالمكرمات
وإن رفعتيها لراسك أصبح الراس محشوم
العبايه فوق راسك حشمه وطيب وثبـات
وماعليك من اللئيمه تحاول تقلدك يوم
لبست البرقع ولكن حن عرق الماجـدات
بحنكها ألفين دقه مدري ألف من الوشوم
أو تراه ألفين هكري يكتبون الذكريات
ولابغت تكتب قصيده قافها هو قاف يوم
(يوم يابا)(يوم يابا)جاك عرق الراقصات
جت تقول إني بدويه قلت أنتي وجه بوم
إعقبي منتي بدويه أنتي جزء من الحـصاة
ياحضريه لايغرك بعض غربان(ن) تحوم
أنتي فوق الكل أنتي فوق روس النايـفات
أنتي يوم الحرب دارت والمعارك (قوم)(قوم )
عانقت عزوات أخوك صوت ضرب المرهفات
إن حدوا من بيننا أو طولوا حد العقوم
يابدويه طبعي أرقى فوق كل الطايـلات
إحذري يابنت منهم طبعهم نفث السموم
عولمتهم لو أعرفها طلع معنى الشـتات
ضيقوا صدر العباة ووسعوا طرف الكموم
وبيجي يوم(ن) نشوف شقوق في وسط العباة
|