مســاء الخــير عالجــميع ,,

بصراحة هذي قصيدة عجبتني
وحبيت أشوف رايكم فيها ..

7
7
7
7
7
7
7
7
7

البارحه جاني من الحب مرسال
من عقب مابيني وبيننه خصيمـــة

وأنا ترى في الحــب مانيب فعّال
ولا بـــعد ولّع بقلـــبي هشيــــمـة

ولا بعدغــــــنّيت في ساعة وصال
ولا بعد ذقت الـــــــــفراق وجحيمة

ولا جرى دمعي على الــخد هــمّال
ولا بعد جربـــت مر الـــــــهــزيمــة

حتــى وردنــي تالي الليـــل جــــــوّال
وأنا على "شاهي" و"بسكوت ديـــمــة"

الــرقم بايــخ لكــــن الصّــــــوت قتّـال
كــنّه صوت المــــــذيعة حليـــــــــمة

قالت مـــساء الخـير يــــاطيب الفـــال
قلت ارحـــــبي ترحيــــبة مستديمــــة

بالـــعود والصــــــفري ودلّه وفــنجال
واجبك يابنت الاصـــــــول الكريـــــمة

ردت بضحكه ثم قــــــالت وش الحال؟!
قلت أشهد ان الحال عــــقبك سقيمة

قالت وهي تضحك بعد مثــل الأطفال
وأنا بعد بدونك كــــــــاني يتيمـــــــة

من قالتها تزلــــزالت زلـــــــــــزال
من فجعتي كأني مـــــسوي جريمة

قلت ارفعي صوتك ترى مابه ارسال
كــــــــذاب لكن المصـــــيبة عظيمة

قالت أقول اسمع ترى هرجـــنا طال
ممكن تصاحبني تراني وسيمــــــــة

واسمي الحقيقي أول حروفه الــدال
لاكن يسموني البنات الزعيمــــــــة

صحيح أحب الفخفخة وأعشق المال
لاكن ترني طــــــــاهرة مستقيمـــــة

ماعندي مغـــــــازل ولا (لعب عيال)
ماعندي إلا الشــــــــرف والحشيمة

بس الصراحه قلبي لشوفتك مال
وأصبحت وحدك جالس في صميمه

فكّر بعقلك واترك القيل والقال
واحذر تطيع أهل العقول العقيمة

وارسل علي ألحين خمسمية ريـال
أشحن بــها جــوال اختي غنيمة

أو طقم غالي فيه خاتم وسلسال
أروح بـه فـي عــرس ولا عزيــمة

قلت الحقيقة ماني رجل أعمال
ولاني بتــاجـر والمــوارد عديمة

وأنا الصراحة شبه عطّال بطّال
علاقتي با الفقر جداً حميمه

والراتب الله يرحم الحال مازال
محدود والمصروف ربي عليمه

والدين بالآلاف والبنك شغّال
ياكل فلوسي بالربا والظليمة

والسوق طايح والغلا ضيق البال
والموت والله صاير أكبر غنيمة

قالت تحمّل والحمل ينشال
خلك شديد الباس صلب العزيمة

ياخي تصرّف جعلك تصير نشّال
أهم شي ان النوايا سليمة

لابد تفهمني على كل الأحوال
مادمت من أهل العقول الفهيمة

قلت إيه والله فاهم اللي على البال
لكــن تــرى هــذي علينــا قديــمة

يابنت هذا صاير اليوم موّال
اللي تبي تلعب على ابن اللئيمه

يابنت ماتدرين كم فيه محتال
يلعب على الحبلين وانتي غشيمة

يابنت كم جاهلة دمعها سال
من عقب ماجت العواقب وخيمة

والبنت لا أقفى عرضها بيد الانذال
والله مايبقى لها أيّ قيمة

قالت تبي والاّ فخلّك على جال
مانيب ناقــصة نصــايح حــكيمة

عزّ الله انك للأسف منت رجال
وانت قليل الذوق مافيك شيمة

ياخذ ابو اللي مايسطرك بنعال
حتى يعلمك الغزل يالبهيمه

(تـفـو) عليك وصكّت الخط في الحال
مادري (تـفـو) هي مدح وإلا شتيمة ؟!!








.. وسلامتكم ..




,, أتمنى عجبتكم ,,