نرجع احبتي للشاعرات المميزات وشعرهم اخترت لكم هذه المقطوعه الرائعه والجميله
للشاعره المميزه جدا // ينابيع السبيعـي
علها تنال الرضى والقبول والإستحـسان.

حبست الدمعه بعيني ونادتـني مواسمها
====================
الشاعرهـ // ينابيـع السـبـيـعـي


اعاني لوعة الفرقا من الغالي وأترجمها

على وجه الورق يصرخ صداها ليت يسمعني

محبه للوفا تشكي من الفرقا معالمها

اخاف دروب خلاني مع الحرمان تقطعني

ليالي عشتها حيرة وروحي عند ظالمها

مشيت وتاهت الخطوه.. رجعت الشوق لوعني

حسبت الدمعه بعيني ونادتني مواسمها

وقفت انخى له الخطوه وعيت لا تطاوعني

يموت الصبر ما تظهر لي الصوره واكملها

وش اللي ولعه فيني؟ وش اللي فيه ولعني؟

الاقي صورته بعيني تنادمني وانادمها

غيابه شتت احلامي بها الصوره يبعثرني

توارى لي ودمعاته بسلك الروح ينظمها

يبددني على شوفه على الكفين يجمعني

يعلمني بها الواقع مثل صورة أنا ارسمها

مثل كل الظروف اللي عن الميعاد تمنعني