هذة قصيده كتبها احد الخليجيين بعد قدومه من المغرب هي سالفه قديمه لكن حبيت اذكركم فيها خلونا نشوف اش قال: ياللي تنشد عن علوم الذي طاف..........كل البحور وكل دوله وديرة خذ من علومي علم اوصاف واوصاف.........جزل سمين يشتعل له سعيده. الزين عقب المغربيات ينعاف.....غيد لهن بالزين ذكرة وسيرة فيهن حلا طاغي ولين وتعطاف.......وفيهن حنان يشعل القلب غيرة حلوات وصف وفاهمات بالاعراف........زينات منطق صافيات السريرة بنات قوم طيبهم غصب ينشاف......اولاد مغرب باليالي العسيرة ياللي تنشد عن علومي بالانصاف ....هرجي يكفي صامله عن كثيرة الزين في لميا وتغريد وألطاف....ماهوب في حصه وسارة ومنيرة الرد اللي يبرد القلب من احد الشعراء قال الذي في بدع الامثال صراف.....جزل يفرق بين درهم وليرة ياللي مدحت المغربيات باجحاف.....الله يجيرك من عماة البصيرة لو تعجبك لميا وتغريد والطاف.....ما يصلحن لاهل الوجيه السفيرة مفصخات ولبسهن حول الارداف......وابليس اغواهن بكشف الستيرة متعودات كلهم زيف وخفاف.....على التغنج والتعطف وغيرة كل يوم مع صاحب ولا فيهم اعفاف...خويهم اللي فلوسه كثيرة ترا البضايع عدة اشكال واصناف....وكل ينوخ وسط سوقه بعيرة عزالله ان الزين في بنت الاشراف .... اللي على الحشمه تربت صغيرة ولا تبين منها كود الاطراف...مثل القماشه في البحور الغزيرة ياللي تدور بالجواهر والاصداف ....الزين كله في بنات الجزيرة وهذا رد الملتاع(طلال الرشيد )رحمه الله: يابن الحلال ان طعتني خل الاسراف.... واترك جمال الغيد لأهل البصيرة الزين مو بس في الملامح والاوصاف.... الزين روح وعفه وطيب سيرة مانيب من يهوى سريا وأنصاف....أنا هواي وبس بنت الجزيرة بنت الخليج اللي تبارى بالأعراف....وحنا نباري باسمها كل ديرة مالي غرام بقول وخا وبالزاف...اذبحتني عند الطرحة المستديرة أحب قولة ياهلا وعل وما خلاف.... من بنت ثوبي بنت الأرض النضيرة اللي تحلاها الظبي حلو الأطراف....جمال في عفة ورقة وغيرة واللي بها سحر مو بسحر عراف... ياعل عيني ما تراها ضريرة عطف وحنان وذوق في لين الأعطاف ...والي كشفت الثامها شفت أميرة صعب على اللي بالردى شاف ماعاف.... وحلوة على اللي سنه الله ضميرة شمس الى من أشرقت والدجا طاف.... غاب نجومك غصب لو هي كثيرة السيف ما يزهى سوى كف سياف..... والخيل دون حصانها مستخيرة بس أنت دولك على قدك لحاف ....وان طعتني دور بدلنا عشيرة