يابنت انامارضي اعيش بمذلة
ياطير وصلـه سلامـي وقلـه
قله تراني خاطري صايرن شين
النادر اللي وسط قلبـي محلـه
اللي حفظته حفظ في داخل العين
ودي قبل مارحل كلامي يصلـه
قبل المفارق ودي اقول حرفيـن
لازم على فرقاي دمعـك تهلـه
لاني اهل الدمع من امس للحين
يابنت انا مارضى اعيش بمذلـه
انا عزيز وكل ربعي عزيزيـن
لاشفت غيري ضامرك مستحله
ارحل ولو قلبي على حد سكيـن
لاني صراحه مابي اكون علـه
مقدر افرق يالغـلا بيـن قلبيـن
الله يهنـي كـل خلـن وخلـه
وانتي عساكـي فالحيـاه تهنيـن
مادام عينك كـل دربـن تدلـه
لاتقسمين القلب يابنـت قسميـن
اما انا مانساك فـي كـل حلـه
ابذكرك شهور وليـال وسنيـن
بذكر خيالك مع طلـوع الاهلـه
وابذكرك بكره وبعـده وبعديـن
يمكن عجز رحال قلبـك يصلـه
لكن مثل رحـال ماظـن تلقيـن
__________________
|