أكبر قهر لامن تبسّمت . . مقهـور
------------------------------
ثمّن كلامـك فاتحـن فمـك .. مسـرور
واحشم مكانك . . منت قاعد بسكـره
ماينجبر كسرك . . ولـو كنـت مجبـور
كسر الجبر أهون من اصلاح . . كسره
وجبر الكسير احيان . . بيديـن دكتـور
وكسر الجبير احيان . . باسباب جبره
ياصاحبي والشعر . . جائـز ومحظـور
حتى المجاز احيان . . يجبرك حظـره
ولاجت قصايدهم. . تتالا على الـدور
شخصن يهني . . وشخص بالغ بشكـره
مثل القماش اللي (( تطارح به )) الثـور
والثور هايج , وانت ثورن من... أسره
بعض البشر . . يرفع مقامه عن البـور
والبعض الآخر . . هو من ايحط قدره
وشخصن يجرك من غلا حرف . . مجرور
وشخصن على الويلات . . يكسرك جره
وشخصن تعادل غيبته .. حشمة احضور
وشخصن حضوره ماوزن ربع . . ذرّه
أكبر قهر لامن تبسّمت . . مقهـوور
إكظم قَهَرْك . . وخل ضحكك .. لقهره
واللي يبي الطولات . . لاشـك ماجـور
والا الحقير ادري.. بنفسه . . تحقـره
وادري العيون الحور . . تفرق عن العور
مثل الغنـي يومـه يقـارن . . بفقـره
ماقول يا شعري وانـا صـرت مشهـور
هذي الفرايـد جتـك يا الشيـخ !! زفـره
شاورتهـا قالـت : خفايـف ولا اتثـور
وهذي غلاها . . مثـل خيطـن بمكـره
مسرح رجولة شخصـك اليـوم بالـدور
إخراجها فاشل . . وانا ابصم بعشـره
مشكور . . إي والله .. من القلب مشكور
ماطاح رجالـن مـن العيـن... حسـره
والا الخبل . . مايستره لبـس مستـور
الشـق واضـح لـو تغطـى بستـره
والتربيـه ماهـي قلـم خـط واسطـور
واللي ربا... بأ قـذار . . طينتـه قـذره
شخصن توده . . قبل ينطق على الفـور
وشخصن من اول كلمتينن . . تخصـره
بعض البشر . . قدره كما وزن عصفور
والبعض بحرن والكرم . . مـوج بحـره
يلزم تكون في بعض الاحيان . . مغـرور
لأن الغرور بحضرة... اللآش . . حقـره
ماهمنـي طـرد الغوانـي مـع الحـور
أنا اهتمامي صعب توصـل... لحصـره
والا انت ياجاهل . . مسامـح ومعـذور
من كلمتـن والدافـع اشـره .. وأشـره
هذي القوافي جتك ياالشيـخ .. بالـدور
واعرف بداية كل بركـان .. جمـره
صحيح انا مانـي علـى الـرد مجبـور
حبيت اوضح كل... شخصن . . وقـدره